Begin typing your search above and press return to search.
exit_to_app
exit_to_app
Posted On
date_range 29 Jun 2017 9:55 AM GMT Updated On
date_range 29 Jun 2017 9:55 AM GMTമിൽമ മേഖല യൂനിയന് 10 കോടിയുടെ വികസന പദ്ധതികൾ
text_fieldsbookmark_border
കൊച്ചി: മിൽമ എറണാകുളം മേഖല യൂനിയന് 10 കോടിയുടെ വികസന പദ്ധതികൾ. 2017-18 സാമ്പത്തിക വർഷത്തേക്ക് 681 േകാടി രൂപ വരവും 675 കോടി രൂപ ചെലവും പ്രതീക്ഷിക്കുന്ന ബജറ്റ് മൂവാറ്റുപുഴയിൽ ചേർന്ന 31ാം വാർഷിക പൊതുയോഗം പാസാക്കി. പാൽവില ഇൻസെൻറീവ്, ക്ഷീര കർഷക പെൻഷൻ വിഹിതം, കർഷക ക്ഷേമ പ്രവർത്തനങ്ങൾ എന്നിവക്ക് 20 കോടിയുടെ സാമ്പത്തിക ആനുകൂല്യങ്ങൾ ക്ഷീരകർഷകർക്കും ക്ഷീര സംഘങ്ങൾക്കുമായി കഴിഞ്ഞ വർഷം നൽകിയതായി മേഖല യൂനിയൻ ചെയർമാൻ പി.എ. ബാലൻമാസ്റ്റർ പറഞ്ഞു. കന്നുകാലി ഇൻഷുറൻസ്, ക്ഷീര കർഷകർക്കുള്ള മെഡി ക്ലയിം ഇൻഷുറൻസ്, പശുക്കളെ വാങ്ങുന്നതിനുള്ള വായ്പകൾക്കുള്ള പലിശ സബ്സിഡി ഗ്രാമതലത്തിൽ കൂടുതൽ ബൾക്ക് മിൽക്ക് കൂളറുകൾ, ക്ഷീര സംഘങ്ങളിലേക്ക് ആധുനിക മിൽക്ക് അനലൈസറുകൾ, തൃശൂർ ഡെയറിയുടെ വികസനം എന്നീ പദ്ധതികൾ അടക്കം 10 കോടിയുടെ പദ്ധതികൾ 2017-18 സാമ്പത്തിക വർഷത്തിൽ നടപ്പാക്കും. ഇടപ്പള്ളിയിൽ പുതിയ ആസ്ഥാന മന്ദിരം നിർമിക്കുന്നതിനും പദ്ധതിയുണ്ട്. ക്ഷീര സംഘങ്ങളിൽനിന്ന് മിൽമയുടെ മേഖല യൂനിയനിലേക്ക് സംഘം പ്രസിഡൻറ് മാത്രമായിരിക്കും പ്രതിനിധി എന്ന ബൈലോ നിർദേശം ഭേദഗതി ചെയ്ത് മേഖല യൂനിയനിലേക്ക് സംഘത്തിെൻറ പ്രതിനിധിയായി ഭരണസമിതി അംഗത്തെ നോമിനേറ്റ് ചെയ്യുന്നതിനുള്ള നിയമാവലി ഭേദഗതി യോഗം പാസാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story