obit mohjudheen

മഴ: കമ്പനിയുടെ ഭിത്തി ഇടിഞ്ഞുവീണ് തൊഴിലാളി മരിച്ചു മൂവാറ്റുപുഴ: െപ്ലെവുഡ് കമ്പനിയുടെ ഭിത്തി തകർന്നുവീണ് ഇതര സംസ്ഥാന തൊഴിലാളി മരിച്ചു. അസം ലെഖ്വ ഹോർബന്തർ സ്വദേശി മൊഹിജ് ഉദ്ദീനാണ് (20) മരിച്ചത്. ബുധനാഴ്ച ഉച്ചക്ക് 12ഒാടെ കിഴക്കേക്കര കാനം കവലയിൽ പ്രവർത്തിക്കുന്ന സ്വകാര്യ പ്ലൈവുഡ് കമ്പനിയിലാണ് സംഭവം. കമ്പനിയിൽ പീലിങ് ജോലിയിൽ ഏർപ്പെട്ടിരുന്ന മൊഹിജ്‌ ഉദ്ദീ​െൻറ ദേഹത്തേക്ക് 10 അടിയോളം ഉയരമുള്ള ചുവർ ഇടിഞ്ഞുവീഴുകയായിരുന്നു. തകർന്നുവീണ ഭിത്തിക്കടിയിൽപെട്ട യുവാവിനെ മറ്റ് തൊഴിലാളികൾ കല്ലുകൾ നീക്കി പുറത്തെടുത്ത് ആശുപത്രിയിൽ എത്തിച്ചെങ്കിലും മരിച്ചു. കല്ലുകൾ തെറിച്ചുവീണ് നാല് തൊഴിലാളിക്ക് സാരമായി പരിക്കേറ്റു. ആറുമാസം മുമ്പാണ് ഇയാൾ ഇവിടെ ജോലിക്കെത്തിയത്. കാലവർഷം ശക്തിപ്രാപിച്ചതോടെ കെട്ടിടത്തി​െൻറ കരിങ്കൽകെട്ട് ഇരുന്നുപോയതാണ് ചുവരിടിയാൻ കാരണമായത്.