ഈദ്‌ വിരുന്ന്

പറവൂർ: സോളിഡാരിറ്റി പറവൂർ ഏരിയയും മാഞ്ഞാലി തണൽ പാലിയേറ്റിവ് ക്ലിനിക്കും സംയുക്തമായി സംഘടിപ്പിച്ച തണൽ ക്ലിനിക്കിലെ രോഗി കൂടിയായ വടക്കുംപുറം കൊച്ചങ്ങാടി സ്വദേശി ജൂലിയുടെ വസതിയിൽ ആഘോഷിച്ചു. ജൂലിയുടെ വീട്ടിൽ നടന്ന ലളിതമായ ചടങ്ങിൽ ജമാഅത്തെ ഇസ്ലാമി ഏരിയ പ്രസിഡൻറ് എം.കെ. ജമാലുദ്ദീൻ ഈദ് സന്ദേശം കൈമാറി. സോളിഡാരിറ്റി ഏരിയ പ്രസിഡൻറ് എൻ.എ. സിറാജുദ്ദീൻ, സെക്രട്ടറി പി.എൻ. നിയാസ്, നൗഫൽ മന്നം എനിവർ നേതൃത്വം നൽകി. കൂടാതെ, തണൽ നഴ്സുമാരായ ദ്രൗപതി, സിന്ധു, ജമാഅത്ത് വനിത ഏരിയ കൺവീനർ ടി.എം. നബീസ, അയൽവാസികളും തണൽ കുടുംബാംഗങ്ങളും ജൂലിയുടെ ബന്ധുമിത്രാദികളും ഉൾെപ്പടെ നൂറോളംപേർ ചടങ്ങിന് സാക്ഷിയായി. ജന്മനാ കൈകാലുകൾ തളർന്ന് അവശയായി വീട്ടിൽ കഴിയുന്ന ജൂലി, എല്ലാ ദിവസവും നിരാലംബരായ 20 രോഗിക്ക് ഉച്ചഭക്ഷണം പറവൂർ ഓട്ടോറിക്ഷ സ്റ്റാൻഡിലെ ഡ്രൈവറായ രമേശൻ മുഖേന എത്തിക്കുന്നുണ്ട്.