പ്രായപൂർത്തിയാകാത്ത ആദിവാസി പെൺകുട്ടിയെ പീഡിപ്പിച്ച 19കാരൻ അറസ്​റ്റിൽ

കോതമംഗലം: പ്രായപൂർത്തിയാകാത്ത ആദിവാസി പെൺകുട്ടിയെ പീഡിപ്പിച്ച 19കാരനെ കോതമംഗലം പൊലീസ് അറസ്റ്റ് ചെയ്തു. തൃക്കാരിയൂർ കാക്കനാട്ട് ബേസിൽ ആണ് അറസ്റ്റിലായത്. കഴിഞ്ഞ ബുധനാഴ്ച കോതമംഗലം ബസ്സ്റ്റാൻഡ് പരിസരത്തുെവച്ച് മൊബൈൽ ഫോൺ റീചാർജ് ചെയ്യുന്നതിനിടെ പരിചയപ്പെട്ട പെൺകുട്ടിയെ വീട്ടിലെത്തിക്കാമെന്ന് പറഞ്ഞശേഷം ബൈക്കിൽ വിവിധ സ്ഥലങ്ങളിൽ കറങ്ങി. തുടർന്ന് രാത്രി പെൺകുട്ടിയുടെ വീടിനടുത്തെത്തിച്ച് പീഡിപ്പിക്കുകയായിരുന്നു. പെൺകുട്ടിയെ കാണാതായതിനെത്തുടർന്ന് ബന്ധുക്കൾ നടത്തിയ അന്വേഷണത്തിൽ വീടിന് സമീപത്ത് കണ്ടെത്തുകയായിരുന്നു. പ്രതിയെ സംബന്ധിച്ച വ്യക്തമായ വിവരം ലഭിക്കാത്തതിനെത്തുടർന്ന് സി.സി.ടി.വി ദൃശ്യങ്ങൾ പരിശോധിച്ച് ബൈക്ക് കണ്ടെത്തി. ബൈക്ക് കേന്ദ്രീകരിച്ച് നടത്തിയ അന്വേഷണത്തിലാണ് പ്രതി പിടിയിലായത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. പെരുന്നാൾ നമസ്കാരം പെരുമ്പാവൂർ മുടിക്കൽ നൂർ മസ്ജിദ്: ഇമാം അസീസ് മൗലവി -7.45