Begin typing your search above and press return to search.
exit_to_app
exit_to_app
Posted On
date_range 24 Jun 2017 9:53 AM GMT Updated On
date_range 24 Jun 2017 9:53 AM GMTജീവനക്കാർ നേരിട്ട് കോടതിയെ സമീപിക്കരുതെന്ന കെ.എസ്.ഇ.ബി ഉത്തരവിന് സ്റ്റേ
text_fieldsbookmark_border
ജീവനക്കാർ നേരിട്ട് കോടതിയെ സമീപിക്കരുതെന്ന കെ.എസ്.ഇ.ബി ഉത്തരവിന് സ്റ്റേ കൊച്ചി: സർവിസ് വിഷയങ്ങളുമായി ബന്ധപ്പെട്ട് ജീവനക്കാർ നേരിട്ട് കോടതിയെ സമീപിക്കുന്നത് വിലക്കി സംസ്ഥാന ൈവദ്യുതി ബോർഡ് പുറപ്പെടുവിച്ച ഉത്തരവ് ഹൈകോടതി സ്റ്റേ ചെയ്തു. ഉത്തരവ് ചോദ്യം ചെയ്ത് കേരള ഇലക്ട്രിസിറ്റി എംപ്ലോയീസ് കോൺഫെഡറേഷൻ നൽകിയ ഹരജിയിലാണ് ഇടക്കാല ഉത്തരവ്. ജീവനക്കാരും ഒാഫിസർമാരും സർവിസ് സംബന്ധ പ്രശ്നങ്ങളിൽ പരിഹാരത്തിന് ബോർഡിെൻറ ഭരണതലത്തിലുള്ള സംവിധാനം ഉപയോഗിക്കാതെ നേരിട്ട് കോടതിയെ സമീപിക്കരുതെന്നായിരുന്നു ജൂൺ ആറിന് പുറപ്പെടുവിച്ച ഉത്തരവ്. ഉത്തരവ് ലംഘിച്ച് നേരിട്ട് കോടതിയെ സമീപിച്ചാൽ അച്ചടക്ക നടപടി നേരിടേണ്ടി വരുമെന്ന് ബോർഡ് വ്യക്തമാക്കിയിരുന്നു. ഇലക്ട്രിസിറ്റി ബോർഡിന് ഇത്തരമൊരു ഉത്തരവുനൽകാൻ നിയമപരമായി അധികാരമില്ലെന്ന് ചൂണ്ടിക്കാട്ടിയാണ് ഹരജി. ഭരണഘടന ഉറപ്പുനൽകുന്ന പൗരാവകാശത്തിെൻറ ലംഘനമാണ് ഇത്. അന്യായങ്ങൾക്കെതിരെ കോടതിയെ സമീപിക്കാനുള്ള അവകാശം നിഷേധിക്കാനാവില്ല. ഇതിെൻറ പേരിൽ ജീവനക്കാർക്കെതിരെ നടപടിയെടുക്കുന്നത് തടയണമെന്നും നിയമവിരുദ്ധ ഉത്തരവ് റദ്ദാക്കണമെന്നുമാണ് ഹരജിയിലെ ആവശ്യം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story