പ്രധാനമന്ത്രിയുടെ വായനദിനം ഉദ്​ഘാടനവും വിവാദത്തിൽ

കൊച്ചി: പി.എൻ. പണിക്കരുടെ ചരമദിനത്തിന് ആചരിക്കുന്ന വായനദിനത്തി​െൻറ ഉദ്ഘാടനം രണ്ടുദിവസം മുമ്പ് പ്രധാനമന്ത്രി നടത്തിയത് സാംസ്കാരിക രംഗത്ത് പ്രതിഷേധമുയർത്തി. ഇതിലൂടെ പി.എൻ. പണിക്കരെ അപമാനിച്ചെന്ന ചർച്ച സാമൂഹിക മാധ്യമങ്ങളിലടക്കം ചൂടുപിടിക്കുകയാണ്. ജൂൺ 19നാണ് വായനദിനം. പണിക്കർ നിര്യാതനായതി​െൻറ തൊട്ടടുത്ത വർഷം മുതൽ സംസ്ഥാനത്ത് ഇത് ആചരിച്ചുവരുന്നുണ്ട്. ഗ്രന്ഥശാല സംഘത്തി​െൻറ സ്ഥാപകൻകൂടിയായ പണിക്കരെ ആദരിക്കുന്നതി​െൻറ ഭാഗമായുള്ള പരിപാടി ഗ്രന്ഥശാലാ സംഘം, സാക്ഷരത മിഷൻ എന്നിവയുടെ സംയുക്താഭിമുഖ്യത്തിലാണ് സംഘടിപ്പിക്കാറ്. വിദ്യാലയങ്ങളിലും പ്രത്യേക പരിപാടിയുണ്ടാകും. മെട്രോ ഉദ്ഘാടനത്തിന് എത്തിയ പ്രധാനമന്ത്രിയെക്കൊണ്ട് ശനിയാഴ്ച വായനദിനാചരണത്തി​െൻറ ഉദ്ഘാടനം നടത്തിക്കുകയായിരുന്നു. സംഘ്പരിവാർ സംഘടനയായ 'നാഷനൽ മിഷൻ റീഡിങ്' ആയിരുന്നു ഇതി​െൻറ സംഘാടകർ. മുഖ്യസംഘാടകൻ കൈതപ്രം വാസുദേവൻ അറിയപ്പെടുന്ന സംഘ്പരിവാറുകാരനാണ്. വായനദിനം വായനമാസമായാണ് നാഷനൽ മിഷൻ ആചരിക്കുന്നത്. എറണാകുളം സ​െൻറ് തെരേസാസ് ഒാഡിറ്റോറിയത്തിൽ പ്രധാനമന്ത്രി പ്രകാശനം ചെയ്ത മാസാചരണ പോസ്റ്ററിൽ ജൂൺ 19 മുതൽ ജൂലൈ 18 വരെയാണ് പരിപാടിയെന്നും വ്യക്തമാക്കുന്നുണ്ട്. സാധാരണഗതിയിൽ വായനദിനവും വാരവും സംഘടിപ്പിക്കുന്ന ഒരു ഏജൻസിയും ഇൗ പരിപാടിയിൽ ഉണ്ടായിരുന്നുമില്ല. സക്കീർ ഹുസൈൻ