ഖത്തറിലെ ഭക്ഷ്യക്ഷാമം പരിഹരിക്കാൻ കാർഗോവിമാനമെത്തി

നെടുമ്പാശ്ശേരി-: ഭക്ഷ്യക്ഷാമം ഒഴിവാക്കാൻ ഖത്തർ കേരളത്തിൽനിന്ന് കൂടുതൽ പച്ചക്കറികളും പഴവർഗങ്ങളും ശേഖരിച്ചുതുടങ്ങി. വെള്ളിയാഴ്ച ഖത്തറിൽനിന്ന് പ്രത്യേക ചരക്കുവിമാനമെത്തി 60 ടൺ പഴവർഗങ്ങളും പച്ചക്കറികളുമാണ് നെടുമ്പാശ്ശേരിയിൽനിന്ന് കൊണ്ടുപോയത്. ഭക്ഷ്യക്ഷാമം രൂക്ഷമാകുന്ന അവസ്ഥയുണ്ടായാൽ വീണ്ടും ഇത്തരത്തിൽ ചരക്കുവിമാനത്തിന് അനുമതി നൽകണമെന്ന് നെടുമ്പാശ്ശേരി വിമാനത്താവള കമ്പനി അധികൃതരോട് ആവശ്യപ്പെട്ടിട്ടുണ്ട്.