വഴിയോരകച്ചവടക്കാരെ ഒഴിപ്പിച്ചതിൽ പ്രതിഷേധിച്ചു

തൃപ്പൂണിത്തുറ: നഗരത്തിലെ വഴിയോരകച്ചവടക്കാരെ മുന്നറിയിപ്പില്ലാതെ ഒഴിപ്പിച്ചതിൽ കേരള പ്രദേശ് വഴിയോര വ്യാപാരി കോൺഗ്രസ് (ഐ.എൻ.ടി.യു.സി) പ്രതിഷേധിച്ചു. വഴിയോരക്കച്ചവടക്കാരെ പുനരധിവസിപ്പിക്കാൻ നടപടി വേണമെന്ന് മേഖല പ്രസിഡൻറ് കനക വേലായുധൻ ആവശ്യപ്പെട്ടു. നഗരത്തിൽ ഗതാഗത കുരുക്കി​െൻറ പേരിലാണ് വഴിയോര കച്ചവടക്കാരെ ഒഴിപ്പിച്ചത്. എന്നാൽ, കിഴക്കേകോട്ടയിലും സ്റ്റാച്ചുവിലും വികസനത്തിനായി സ്ഥലം ഏറ്റെടുത്തിട്ടും വൻകിട സ്ഥാപനങ്ങളുടെ അനധികൃത കച്ചവടമാണ് നടക്കുന്നത്. നഗരത്തിലെ ചില വ്യാപാരികൾ നടത്തുന്ന റോഡ് ൈകയേറ്റവും നഗരസഭ അധികൃതർ കണ്ടില്ലെന്നു നടിക്കുകയാണ്. ഇത് പ്രതിഷേധാർഹമാണെന്നും അവർ പറഞ്ഞു.