മരിച്ച്​ 24 മണിക്കൂർ പിന്നിട്ടിട്ടും ആ​ശുപത്രിയിൽനിന്ന്​ മൃതദേഹം വിട്ട​ുനൽകിയില്ലെന്ന്​ ബന്ധുക്കൾ

കൊ​ച്ചി: മ​ര​ണം സം​ഭ​വി​ച്ച് 24 മ​ണി​ക്കൂ​റി​ലേ​റെ പി​ന്നി​ട്ടി​ട്ടും ആ​ശു​പ​ത്രി അ​ധി​കൃ​ത​ർ മൃ​ത​ദേ​ഹം വി​ട്ടു​ന​ല്‍കി​യി​ല്ലെ​ന്ന്​ പ​രാ​തി. സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ മ​രി​ച്ച ദ​ലി​ത് സ്ത്രീ​യു​ടെ ബ​ന്ധു​ക്ക​ൾ​ക്കാ​ണ്​ ദു​ര​നു​ഭ​വ​മു​ണ്ടാ​യ​ത്. ചൊ​വ്വാ​ഴ്ച വൈ​കീ​ട്ടോ​ടെ​യാ​ണ് ച​ങ്ങ​നാ​ശ്ശേ​രി പെ​രു​ന്ന സ്വ​ദേ​ശി​നി​യും സെ​ന്‍ട്ര​ല്‍ ബാ​ങ്ക് ഓ​ഫ് ഇ​ന്ത്യ​യി​ലെ കാ​ഷ്വ​ല്‍ ജീ​വ​ന​ക്കാ​രി​യു​മാ​യി​രു​ന്ന രാ​ജ​മ്മ (50) ചി​കി​ത്സ​യി​ലി​രി​ക്കെ കു​ട​ൽ സം​ബ​ന്ധ​മാ​യ അ​സു​ഖ​ത്തെ തു​ട​ർ​ന്ന് മ​രി​ച്ച​ത്. മാ​ര്‍ച്ച് 16നാ​ണ് ഇ​വ​രെ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച​ത്. ചി​കി​ത്സ​ക്കാ​യി വേ​ണ്ടി​വ​ന്ന ഒ​മ്പ​ത് ല​ക്ഷം രൂ​പ അ​ട​യ്ക്കാ​തെ മൃ​ത​ദേ​ഹം വി​ട്ടു​ത​രി​ല്ലെ​ന്ന്​​ ആ​ശു​പ​ത്രി അ​ധി​കൃ​ത​ര്‍ അ​റി​യി​ക്കു​ക​യാ​യി​രു​ന്നു​വ​ത്രെ. ​ൈക​യി​ല്‍ അ​ത്ര പ​ണ​മി​ല്ലെ​ന്നും പ​ക​രം ബാ​ങ്ക് ചെ​ക്ക് ന​ല്‍കാ​മെ​ന്നും മൃ​ത​ദേ​ഹം വി​ട്ടു​ത​ര​ണ​മെ​ന്നും പ​റ​ഞ്ഞെ​ങ്കി​ലും ആ​ശു​പ​ത്രി അ​ധി​കൃ​ത​ര്‍ ആ​വ​ശ്യം നി​ര​സി​ക്കു​ക​യാ​യി​രു​ന്നു​വെ​ന്ന് രാ​ജ​മ്മ​യു​ടെ ഭ​ര്‍ത്താ​വ് രാ​ജു പ​റ​ഞ്ഞു. പൊ​ലീ​സി​ൽ ന​ൽ​കി​യ പ​രാ​തി​യെ തു​ട​ര്‍ന്ന് ബു​ധ​നാ​ഴ്ച രാ​ത്രി ആ​ശു​പ​ത്രി അ​ധി​കൃ​ത​രെ സ്​​റ്റേ​ഷ​നി​ല്‍ ച​ര്‍ച്ച​ക്ക് വി​ളി​ച്ചു. പൊ​ലീ​സും ആ​ശു​പ​ത്രി അ​ധി​കൃ​ത​രും ബ​ന്ധു​ക്ക​ളും ന​ട​ത്തി​യ ച​ർ​ച്ച​യി​ൽ സ​മ്മ​ർ​ദ​ത്തി​നൊ​ടു​വി​ൽ ചെ​ക്ക് സ്വീ​ക​രി​ച്ച് മൃ​ത​ദേ​ഹം വി​ട്ടു​ന​ൽ​കാ​മെ​ന്ന് സ​മ്മ​തി​ക്കു​ക​യാ​യി​രു​ന്നു. എ​ന്നാ​ൽ ബ​ന്ധു​ക്ക​ള്‍ ആ​രും വ​രാ​ത്ത​തു​കൊ​ണ്ടാ​ണ് മൃ​ത​ദേ​ഹം കൈ​മാ​റാ​തി​രു​ന്ന​തെ​ന്നാ​ണ് ആ​ശു​പ​ത്രി അ​ധി​കൃ​ത​രു​ടെ വി​ശ​ദീ​ക​ര​ണം.