ഭാഷാധ്യാപകരുടെ പ്രശ്​നങ്ങൾ പരിഹരിക്കണം

ആലപ്പുഴ: അറബി ഉൾപ്പെടെയുള്ള ഭാഷാധ്യാപകരുടെ പ്രശ്നങ്ങൾ പരിഹരിക്കാൻ സർക്കാർ തയാറാകണമെന്ന് മുൻ ഡി.സി.സി പ്രസിഡൻറ് എ.എ. ഷുക്കൂർ ആവശ്യപ്പെട്ടു. വിവിധ ആവശ്യങ്ങൾ ഉന്നയിച്ച് കേരള അറബിക് ടീച്ചേഴ്സ് ഫെഡറേഷൻ ആലപ്പുഴ ഡി.ഡി.ഇ ഒാഫിസിന് മുന്നിൽ നടത്തിയ ധർണ ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന വൈസ് പ്രസിഡൻറ് പി.പി.എ. ബക്കർ അധ്യക്ഷത വഹിച്ചു. മുഹമ്മദ് ഫൈസൽ, നവാസ് പാനൂർ, സി.എസ്. ഷിഹാബുദ്ദീൻ, അഷ്റഫ് കോയ സുല്ലമി, എസ്. അഹ്മദ് എന്നിവർ സംസാരിച്ചു.