ദിലീപി​െൻറ ഭൂമി കൈയേറ്റം: നിർമാണം അന്വേഷിക്കാൻ മന്ത്രിയുടെ നിർദേശം

ആലങ്ങാട്: നടൻ ദിലീപ് കുന്നുകരയിൽ പുഴ പുറമ്പോക്ക് കൈയേറിയെന്ന പരാതിയിൽ സ്ഥലത്തെ നിർമാണപ്രവർത്തനങ്ങളെക്കുറിച്ച് അന്വേഷിക്കാൻ പൊതുമരാമത്ത് മന്ത്രി നിർദേശം നൽകി. കരുമാല്ലൂർ പഞ്ചായത്ത് പ്രസിഡൻറ് നൽകിയ പരാതിയിലാണ് നടപടി. പുറപ്പിള്ളിക്കാവ് റെഗുലേറ്റർ കം ബ്രിഡ്‌ജി​െൻറ നിർമാണത്തോടനുബന്ധിച്ച് പുഴയുടെ സംരക്ഷണഭിത്തിയും കുളിക്കടവും സർക്കാർ ചെലവിൽ നിർമിച്ചതിനെതിരെ അന്വേഷണം നടത്തണമെന്നായിരുന്നു പരാതിയിൽ ആവശ്യപ്പെട്ടിരുന്നത്. അന്വേഷണത്തിന് പൊതുമരാമത്ത് ചീഫ് എൻജിനീയറെ ചുമതലപ്പെടുത്തിയതായി മന്ത്രിയുടെ ഓഫിസിൽനിന്ന് പഞ്ചായത്ത് പ്രസിഡൻറിനെ അറിയിച്ചിട്ടുണ്ട്.