ഡി.സി.സി ജനറല്‍ സെക്രട്ടറിയെ പുറത്താക്കി

മട്ടാഞ്ചേരി: യു.ഡി.എഫ് നിർദേശം ലംഘിച്ച് പശ്ചിമകൊച്ചി കുടിവെള്ള വിപുലീകരണ പദ്ധതി ഉദ്ഘാടന ചടങ്ങിൽ പങ്കെടുത്ത ഡി.സി.സി ജനറല്‍ സെക്രട്ടറി പി.കെ. അബ്ദുല്‍ ലത്തീഫിനെ പാര്‍ട്ടിയുടെ പ്രാഥമികാംഗത്വത്തില്‍നിന്ന് സസ്പെൻഡ് ചെയ്തു. യോഗത്തില്‍ മുന്‍ എം.എല്‍.എ ഡൊമിനിക് പ്രസേൻറഷനെയും യു.ഡി.എഫ് നേതാക്കളെയും പരസ്യമായി വിമര്‍ശിച്ച അബ്ദുൽ ലത്തീഫ് എല്‍.ഡി.എഫ് എം.എല്‍.എ കെ.ജെ. മാക്സിയെ പുകഴ്ത്തി സംസാരിച്ചിരുന്നു. ഇത് സമൂഹമധ്യത്തില്‍ പാര്‍ട്ടിക്ക് അവമതിപ്പുണ്ടാക്കിയതായി കാണിച്ചാണ് സസ്പെൻഡ് ചെയ്തതെന്ന് ഡി.സി.സി പ്രസിഡൻറ് ടി.ജെ. വിനോദ് പത്രക്കുറിപ്പില്‍ അറിയിച്ചു. കെ.പി.സി.സി പ്രസിഡൻറ് എം.എം. ഹസ​െൻറ നിര്‍ദേശ പ്രകാരമാണ് നടപടി.