എടത്വ സെൻറ്​ അലോഷ്യസ്​ കോളജിന്​ അവധി

കുട്ടനാട്: എടത്വ സ​െൻറ് അലോഷ്യസ് കോളജിന് വെള്ളിയാഴ്ച മുതല്‍ അറിയിപ്പ് ഉണ്ടാകുന്നതുവരെ റെഗുലര്‍ ക്ലാസുകള്‍ ഉണ്ടായിരിക്കില്ലെന്നും യൂനിവേഴ്‌സിറ്റി പരീക്ഷകള്‍ യഥാസമയം നടക്കുമെന്നും പ്രിന്‍സിപ്പൽ അറിയിച്ചു. അപകടകരമായ രീതിയില്‍ കോളജ് കാമ്പസില്‍ ബൈക്കുകള്‍ ഓടിക്കുന്നതിന് നിയന്ത്രണവും അനധികൃത പാര്‍ക്കിങ് ഒഴിവാക്കാൻ ബൈക്കുകള്‍ക്ക് പാര്‍ക്കിങ് പെര്‍മിറ്റ് സ്റ്റിക്കറും ഏർപ്പെടുത്തിയ നടപടിയില്‍ പ്രതിഷേധിച്ച് വിദ്യാർഥികള്‍ സമരം നടത്തിയിരുന്നു. ചര്‍ച്ചക്ക് തയാറാവാതെ സമരം തുടരുന്ന സാഹചര്യത്തിലാണ് കോളജ് അടച്ചിടാന്‍ തീരുമാനിച്ചതെന്നും അറിയിച്ചു.