താലൂക്ക് സപ്ലൈ ഓഫിസ്​ മാര്‍ച്ച്​

മൂവാറ്റുപുഴ: പട്ടികജാതി കുടുംബങ്ങളെ എ.പി.എല്‍ ലിസ്റ്റില്‍നിന്ന് മാറ്റി ബി.പി.എല്ലില്‍ ഉള്‍പ്പെടുത്തണമെന്ന് ആവശ്യപ്പെട്ട് പി.കെ.എസ് നേതൃത്വത്തില്‍ മൂവാറ്റുപുഴ താലൂക്ക് സപ്ലൈ ഓഫിസിലേക്ക് മാര്‍ച്ചും ധര്‍ണയും നടത്തി. വാഴപ്പിള്ളി കവലയില്‍നിന്ന് ആരംഭിച്ച മാര്‍ച്ച് മിനി സിവില്‍ സ്റ്റേഷന് മുന്നില്‍ സമാപിച്ചു. ധര്‍ണ സി.പി.എം മൂവാറ്റുപുഴ ഏരിയ സെക്രട്ടറി എം.ആര്‍. പ്രഭാകരന്‍ ഉദ്ഘാടനം ചെയ്തു. പി.കെ.എസ് കൂത്താട്ടുകുളം ഏരിയ സെക്രട്ടറി വി.കെ. ബിജു അധ്യക്ഷത വഹിച്ചു. ജില്ല കമ്മിറ്റി അംഗം ഭവാനി ഉത്തരന്‍, മൂവാറ്റുപുഴ ഏരിയ സെക്രട്ടറി വി.ആർ. ശാലിനി, ഏരിയ പ്രസിഡൻറ് പി.ആര്‍. ശിവശങ്കരന്‍, കൂത്താട്ടുകുളം ഏരിയ പ്രസിഡൻറ് ശ്യാമള ഗോപാലന്‍ എന്നിവര്‍ സംസാരിച്ചു.