ദേവസ്വം ബോർഡ്​ തുക വകമാറ്റൽ അന്വേഷിക്കണമെന്ന്​ പെൻഷനേഴ്​സ്​ കോൺഫെഡറേഷൻ

കൊച്ചി: തിരുവിതാംകൂർ ദേവസ്വം ബോർഡിൽ ജീവനക്കാരുടെ ശമ്പളം, പെൻഷൻ എന്നിവ വകമാറ്റി ചെലവഴിച്ച ഉദ്യോഗസ്ഥ നടപടി ആസൂത്രിതമെന്ന് കേരള സ്റ്റേറ്റ് ദേവസ്വം പെൻഷനേഴ്സ് കോൺഫെഡറേഷൻ. നാലുമാസത്തിനിടെ 17.8 േകാടിയിലേറെ രൂപയാണ് മരാമത്ത് പ്രവൃത്തികൾക്ക് വക മാറ്റിയത്. കഴിഞ്ഞ ശബരിമല സീസണി​െൻറ അവസാന ഘട്ടത്തിൽ ചില ഉദ്യോഗസ്ഥരും കരാറുകാരും ചേർന്ന് ഇത് സംബന്ധിച്ച് നീക്കം ആരംഭിച്ചിരുന്നു. കഴിഞ്ഞ രണ്ടുവർഷത്തെ സാമ്പത്തിക വിനിയോഗം സംബന്ധിച്ച് സമഗ്ര അന്വേഷണം വേണമെന്ന് കോൺഫെഡറേഷൻ സംസ്ഥാന പ്രസിഡൻറ് ആർ. ഷാജി ശർമയും ജനറൽ സെക്രട്ടറി ആനയറ ചന്ദ്രനും ആവശ്യപ്പെട്ടു.