ഇൻഫോപാര്‍ക്ക് ബോട്ട് സര്‍വിസ് കടലാസില്‍ ഒതുങ്ങി; കടലാസ് തോണിയിറക്കി പ്രതീകാത്മക പ്രതിഷേധം

കാക്കനാട്: ഇൻഫോപാര്‍ക്ക് ബോട്ട് സര്‍വിസ് കടലാസില്‍ ഒതുങ്ങിയതില്‍ പ്രതിഷേധം. മൂന്നുവര്‍ഷം മുമ്പ് ആരംഭിച്ച ബോട്ട് സര്‍വിസ് ചിറ്റേത്തുകര ജെട്ടിയില്‍ അവസാനിപ്പിച്ചതില്‍ പ്രതിഷേധിച്ച് ഇൻഫോപാര്‍ക്ക് ജെട്ടിയില്‍ കടലാസ് തോണിയിറക്കിയാണ് യൂത്ത് ലീഗ് പ്രതിഷേധിച്ചത്. തൃക്കാക്കര മുനിസിപ്പല്‍ കമ്മിറ്റി നേതൃത്വത്തിലായിരുന്നു സമരം. പ്രസിഡൻറ് പി.എം. മാഹീന്‍കുട്ടിയും ജനറല്‍ സെക്രട്ടറി കെ.എന്‍. നിയാസും നേതൃത്വം നല്‍കി. സംസ്ഥാന കൗണ്‍സില്‍ അംഗം കെ.കെ. അക്ബര്‍, ഇ.എം. ബക്കര്‍, കെ.എം. അബൂബക്കര്‍, മുഹമ്മദ് സാബു, എ.എസ്. നിഷാദ്, കെ.എച്ച്. സനൂബ്, അന്‍സാര്‍ ഓലിമുകള്‍, സി.എസ്. സിയാദ്, മുഹമ്മദ് അസ്ലം, കെ.എം. അന്‍സാര്‍, നൗഷാദ്, അഷ്‌കര്‍ ഇടച്ചിറ, സത്താര്‍, ഫര്‍ഷാദ്, ടി.എം. ഷെഫിന്‍ എന്നിവര്‍ പങ്കെടുത്തു.