ദിനേശ​െൻറ വിയോഗം കൈ​െയാപ്പ്​ പതിഞ്ഞ ചലച്ചിത്രം പുറത്തിറങ്ങുംമു​േമ്പ

അമ്പലപ്പുഴ: നല്ല സിനിമയെ ഏറെ സ്നേഹിക്കുകയും ജനിച്ച സമൂഹത്തോട് ആത്മാർഥത കാണിക്കുകയും ചെയ്ത ചലച്ചിത്രകാര​െൻറ വേർപാട് കലാ-സാമൂഹിക രംഗത്തെ അപരിഹാര്യനഷ്ടമായി. അമ്പലപ്പുഴ വടക്കുപഞ്ചായത്ത് 11ാം വാർഡ് വെളിയിൽ വീട്ടിൽ പരേതരായ ഗോപാലി​െൻറയും ദേവകിയുടെയും മകനായ അഡ്വ. ജി. ദിനേശൻ (45) കഴിഞ്ഞദിവസമാണ് നിര്യാതനായത്. കടുത്ത പനിയെത്തുടർന്ന് ആലപ്പുഴ മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. ദിനേശ​െൻറ കൈയൊപ്പ് പതിഞ്ഞ ചലച്ചിത്രം പ്രകാശിതമാകുംമുേമ്പയായിരുന്നു വേർപാട്. 'പ്രണയതീർഥം' സിനിമയുടെ സംവിധായകനായിരുന്ന അദ്ദേഹം അതി​െൻറ റിലീസിങ്ങിനുള്ള ഒരുക്കത്തിലായിരുന്നു. ആഗസ്റ്റ് 11ന് റിലീസ് ചെയ്യുന്നതിനുള്ള തിരക്കിലായിരുന്നു. ഒാണത്തിനുമുമ്പ് ത​െൻറ സിനിമ തിയറ്ററുകളിലെത്തണമെന്ന് ആഗ്രഹിച്ചു. നിരവധി സംവിധായകരുടെ കൂടെ പ്രവർത്തിച്ച് അനുഭവമുണ്ടായിരുന്ന ദിനേശൻ അതി​െൻറ ഫലമായി ഡോക്യുമ​െൻററികളും ചെയ്തിട്ടുണ്ട്. മണ്ണാറശ്ശാല ക്ഷേത്രത്തെക്കുറിച്ച് ചെയ്ത ഡോക്യുമ​െൻററിയും ശ്രദ്ധിക്കപ്പെട്ടു. സിനിമ മേഖലക്കൊപ്പം ആദിവാസി ക്ഷേമത്തിനും സമയം കണ്ടെത്തി. ഉള്ളാട മഹാസഭയുടെ ലീഗൽ അഡ്വൈസർ എന്ന നിലയിൽ ദിനേശ​െൻറ സേവനം ആ സമൂഹത്തിന് പ്രയോജനം ചെയ്തു. എസ്.ടി കോളജിൽ പ്രീ ഡിഗ്രി പഠനശേഷം ബംഗളൂരുവിൽനിന്നാണ് എൽഎൽ.ബി എടുത്തത്. പിന്നീട് ആലപ്പുഴ ബാറിൽ അഭിഭാഷകനായി. ആദിവാസി ക്ഷേമസമിതിയുടെ ജില്ല പ്രസിഡൻറായി പ്രവർത്തിച്ചുവരുകയായിരുന്നു. കലാ-സാമൂഹിക രംഗത്തെ പ്രവർത്തനങ്ങൾക്ക് നിരവധി ബഹുമതികളും ലഭിച്ചിട്ടുണ്ട്. ജീവിതത്തി​െൻറ വിവിധ തുറകളിൽപെട്ടവർ ദിനേശന് അേന്ത്യാപചാരം അർപ്പിക്കാൻ എത്തിയിരുന്നു. ചൊവ്വാഴ്ച ഉച്ചക്ക് വീട്ടുവളപ്പിൽ നടന്ന സംസ്കാര ചടങ്ങിൽ ചലച്ചിത്ര-സാമൂഹിക-സാംസ്കാരിക പ്രവർത്തകർ കൂടാതെ വിവിധ രാഷ്ട്രീയ പ്രതിനിധികളും പെങ്കടുത്തു. മുൻ എം.പി സി.എസ്. സുജാത, കയർ കോർപറേഷൻ ചെയർമാൻ ആർ. നാസർ തുടങ്ങിയവരും അന്ത്യാഞ്ജലി അർപ്പിച്ചു.