കഞ്ചാവ് വിൽപന; അസം സ്വദേശി അറസ്​റ്റിൽ

പെരുമ്പാവൂർ: കഞ്ചാവ് വിൽപനക്കിടെ ഇതരസംസ്ഥാന തൊഴിലാളിയെ എക്സൈസ് സംഘം പിടികൂടി. അസം സ്വദേശി മുഹമ്മദ് ഹിഫ്ജൂർ റാനെയാണ് പള്ളിക്കവലയിൽ നിന്നും പെരുമ്പാവൂർ എക്സൈസ് സംഘം പിടികൂടിയത്. പ്രതിയുടെ പക്കൽനിന്നും ആറ് പൊതികളിൽ സൂക്ഷിച്ചിരുന്ന കാൽ കിലോയോളം കഞ്ചാവ് പിടിച്ചെടുത്തു. കുന്നത്തുനാട് എക്സൈസ് സർക്കിൾ ഇൻസ്പെക്ടർ ബാബു വർഗീസി​െൻറ നേതൃത്വത്തിൽ അസി.എക്സൈസ് ഇൻസ്പെക്ടർ കെ.കെ. സുബ്രഹ്മണ്യൻ, പ്രിവൻറിവ് ഓഫിസർ വി.ആർ. പ്രതാപൻ, സിവിൽ എക്സൈസ് ഓഫിസർമാരായ എം.എ. അസൈനാർ, വി.എ. ഷമീർ, എം.എ. ഷിബു എന്നിവരടങ്ങുന്ന സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.