ജനജാഗ്രത ക്യാമ്പ് സംഘടിപ്പിച്ചു

കളമശ്ശേരി: സാമൂഹിക വിപത്തുകൾക്കെതിരെ ജനമൈത്രി പൊലീസും ജില്ല െറസിഡൻറ്സ് അസോസിയേഷൻസ് അപെക്സ് കൗൺസിലും ചേർന്ന് ജനജാഗ്രത ക്യാമ്പ് നടത്തി. കളമശ്ശേരി ടൗൺ ഹാളിൽ നടന്ന ക്യാമ്പ് വി.കെ. ഇബ്രാഹിം കുഞ്ഞ് എം.എൽ.എ ഉദ്ഘാടനം ചെയ്തു. നഗരസഭ ചെയർപേഴ്സൺ ജെസി പീറ്റർ അധ്യക്ഷത വഹിച്ചു. സിറ്റി പൊലീസ് കമീഷണർ എം.പി. ദിനേശ് മുഖ്യപ്രഭാഷണം നടത്തി. കളമശ്ശേരി സി.ഐ എസ്. ജയപ്പൻ, നർക്കോട്ടിക് സെൽ അസി. കമീഷണർ അബ്ദുൽ സലാം, എസ്.ഐ ഇ.വി. ഷിബു, എഡ്രാക്ക് ജില്ല പ്രസിഡൻറ് രംഗദാസ പ്രഭു, മേഖല പ്രസിഡൻറ് അസീസ് കുമ്മഞ്ചേരി എന്നിവർ സംസാരിച്ചു. ഇ.എം. സഞ്ജീവ് ലഹരി വിരുദ്ധ പഠന ക്ലാസ് നടത്തി.