'വിശപ്പിന് ഭക്ഷണം ജീവന് രക്തം': ഉച്ചഭക്ഷണം വിതരണം ചെയ്തു

കളമേശ്ശരി: ഡി.വൈ.എഫ്.ഐയുടെ 'വിശപ്പിന് ഭക്ഷണം ജീവന് രക്തം' പരിപാടിയുടെ ഭാഗമായി മെഡിക്കൽ കോളജിലെ രോഗികൾക്കും സഹായികൾക്കും ഉച്ചഭക്ഷണം വിതരണം ചെയ്തു. സി.പി.എം ജില്ല സെക്രട്ടറി പി. രാജീവ് ഉദ്ഘാടനം ചെയ്തു. ഒ.എം. സലാഹുദ്ദീൻ അധ്യക്ഷത വഹിച്ചു. സി.പി.എം ഏരിയ സെക്രട്ടറി വി.എ. സക്കീർ ഹുസൈൻ, ഹെന്നി ബേബി, കേന്ദ്ര കമ്മിറ്റിയംഗം എസ്. സതീഷ്, കെ.എസ്. അരുൺകുമാർ, പ്രിൻസി കുര്യാക്കോസ്, എ.ഡി. സുജിൽ, ടി.ടി. രതീഷ്, തൃക്കാക്കര നഗരസഭ ചെയർപേഴ്സൺ കെ.കെ. നീനു, എ.എം. യൂസഫ്, എം.കെ. സജേഷ് എന്നിവർ സംസാരിച്ചു. ആദ്യഘട്ടത്തിൽ ആഴ്ചയിൽ ഒരുദിവസമാണ് ഭക്ഷണ വിതരണം. തുടർന്ന് എല്ലാ ദിവസവും ഭക്ഷണം നൽകും.