കെ.എസ്.ആർ.ടി.സി പെൻഷൻകാരുടെ സമരം 17 ദിവസം പിന്നിട്ടു

ആലുവ: മൂന്നു മാസമായി പെൻഷൻ വിതരണം നിലച്ചതിൽ പ്രതിഷേധിച്ച് കെ.എസ്.ആർ.ടി.സി പെൻഷകാർ നടത്തുന്ന സമരം 17 ദിവസം പിന്നിട്ടു. കെ.എസ്.ആർ.ടി.സി പെൻഷനേഴ്സ് ഓർഗനൈസേഷ‍​െൻറ നേതൃത്വത്തിൽ ആലുവ ഡിപ്പോക്കു മുന്നിലെ സത്യഗ്രഹ വേദിയിൽ കഴിഞ്ഞ ദിവസം നടന്ന യോഗം ഓർഗനൈസേഷൻ കേന്ദ്രകമ്മിറ്റി അംഗം എൻ.വി. ഏലിയാസ് ഉദ്ഘാടനം ചെയ്തു. ജില്ല പ്രസിഡൻറ് എ.എൻ. അരവിന്ദാക്ഷൻ അധ്യക്ഷത വഹിച്ചു. ജോസഫ് ഓടക്കാലി, വി.പി. പങ്കജാക്ഷൻ എന്നിവർ സംസാരിച്ചു.