പി.ടി.എ ജനറൽ ബോഡിയും അനുമോദന സമ്മേളനവും

ആലുവ: മന്നം ഇസ്‌ലാമിക് യു.പി സ്‌കൂളിൽ പി.ടി.എ ജനറൽ ബോഡിയോഗവും അനുമോദന സമ്മേളനവും നടന്നു. ട്രസ്‌റ്റ് ചെയർമാൻ എ.കെ. അബ്‌ദുൽ ഖാദർ മാസ്‌റ്റർ അധ്യക്ഷത വഹിച്ചു. മാനേജർ ടി.എ. അബ്‌ദുൽ ജലീൽ മാസ്‌റ്റർ മുഖ്യപ്രഭാഷണം നടത്തി. എസ്.എസ്.എൽ.സി പരീക്ഷയിൽ ഉന്നതവിജയം നേടിയ പൂർവ വിദ്യാർഥികൾക്ക് ഉപഹാരങ്ങൾ ഐഡിയൽ ഗേൾസ് ഹോം ഡയറക്ടർ കെ.എ. ഖാസിം മൗലവി, പി.ടി.എ പ്രസിഡൻറ് യാസർ അഹമ്മദ് എന്നിവർ സമ്മാനിച്ചു. പൂർവവിദ്യാർഥികളായ കെ.എ നഈമ തസ്‌നിം, എം.എച്ച് നാജിയ, എൻ.എൻ. ഫർസാന, എൻ.എ. അഫീഫ എന്നിവർ സമ്മാനങ്ങൾ ഏറ്റുവാങ്ങി. ട്രസ്‌റ്റ് അഡ്മിനിസ്ട്രേറ്റർ കെ.എ. ഹൈദ്രോസ്കുട്ടി സംസാരിച്ചു. പ്രധാനാധ്യാപിക അസീല ടീച്ചർ സ്വാഗതവും ഐഷാബി ടീച്ചർ സമാപനവും നിർവഹിച്ചു. നാസർ ഖിറാഅത്ത് നടത്തി. പുതിയ പി.ടി.എ കമ്മിറ്റിയെ തെരഞ്ഞെടുത്തു. ഭാരവാഹികൾ: യാസർ അഹമ്മദ് (പ്രസി), നിസാർ അഹമ്മദ് (വൈസ് പ്രസി), വി.എ ഉമൈറ (എം.പി.ടി.എ കൺ), എം.എ. അസ്‌ന സബിനി ( എം.പി.ടി.എ ജോ. കൺ), വാഹിദ, ജസീന, നൗഷാദ്, നൗഫൽ, ഷഫീഖ് (കമ്മിറ്റി അംഗങ്ങൾ).