ബിസിനസ് ലീഡര്‍ഷിപ്​ പ്രോഗ്രാം

കൊച്ചി: സ്റ്റാര്‍ട്ട് അപ്പുകള്‍ക്കും നവസംരംഭകര്‍ക്കും മാര്‍ഗനിര്‍ദേശം നല്‍കാൻ കിറ്റ്‌കോ നടത്തുന്ന ബിസിനസ് ലീഡര്‍ഷിപ് പ്രോഗ്രാമി​െൻറ പുതിയ ബാച്ചിലേക്ക് അപേക്ഷ ക്ഷണിച്ചു. വിവിധ സർക്കാർ പദ്ധതികളെക്കുറിച്ച് അവബോധം സൃഷ്ടിക്കല്‍, ബിസിനസ് പ്ലാന്‍ അവലോകനം, ആശയങ്ങളുടെ സൂക്ഷ്മപരിശോധന തുടങ്ങിയ കാര്യങ്ങളാകും 45 ദിവസത്തെ പ്രോഗ്രാമിലെ വിഷയങ്ങള്‍. മ​െൻററിങ്, കോ-വര്‍ക്കിങ്, പിയര്‍ ലേണിങ്, ടീം ബില്‍ഡിങ് തുടങ്ങിയവയിലാണ് പ്രോഗ്രാം ശ്രദ്ധ കേന്ദ്രീകരിക്കുക. ഐ.ഐ.എം ഉള്‍പ്പെടെ രാജ്യത്തെ പ്രമുഖ മാനേജ്‌മ​െൻറ് പഠനസ്ഥാപനങ്ങളില്‍ നിന്നുള്ള വിദഗ്ധരും പ്രശസ്തരായ സംരംഭകരുമാകും ക്ലാസെടുക്കുക. താല്‍പര്യമുള്ളവര്‍ ബയോ-ഡാറ്റയും ആശയങ്ങളുടെ ചെറുവിവരണവും കിറ്റ്‌കോ, ഫെമിത്സ്, പി.ബി. നമ്പര്‍ 4407, പുതിയ റോഡ്, എൻ.എച്ച്. ബൈപ്പാസ്, വെണ്ണല, കൊച്ചി- -682028 എന്ന വിലാസത്തിൽ അയക്കണം. വിവരങ്ങള്‍ക്ക് ഫോണ്‍: 97448 87569, 85929 69583.