ജൈവവൈവിധ്യ പാർക്ക് പ്രഖ്യാപിച്ചു

ആലുവ: ചാലക്കൽ ദാറുസ്സലാം സ്കൂൾ പി.ടി.എ ജനറൽബോഡി തെരഞ്ഞെടുപ്പും വിദ്യാഭ്യാസ ബോധവത്കരണ ക്ലാസും സംഘടിപ്പിച്ചു. സ്കൂളിൽ നടപ്പാക്കാൻ തീരുമാനിച്ച ബയോഡൈവേഴ്സിറ്റി പാർക്കി​െൻറ പ്രഖ്യാപനവും പരിപാടിയുടെ ഉദ്ഘാടനവും കീഴ്മാട് പഞ്ചായത്ത് പ്രസിഡൻറ് രമേശ് നിർവഹിച്ചു. ദേശീയ അധ്യാപക അവാർഡ് ജേതാവ് എ.വൈ. മോഹൻദാസ് രക്ഷിതാക്കൾക്ക് വിദ്യാഭ്യാസ ബോധവത്കരണ ക്ലാസ് നടത്തി. പി.ടി.എ തെരഞ്ഞെടുപ്പിൽ സാബു പരിയാരത്തിനെ പ്രസിഡൻറായി െതരഞ്ഞെടുത്തു. വാർഡ് അംഗം കെ.ഇ. ഷാഹിറ, സ്കൂൾ മാനേജർ വി.എം. ഉസ്മാൻ, ദാറുസ്സലാം ഹൈസ്കൂൾ മാനേജർ കെ.എം. ബാവ, ദാറുസ്സലാം ഹൈസ്കൂൾ പി.ടി.എ പ്രസിഡൻറ് ഇ.എസ്. ഉമ്മർ എന്നിവർ സംബന്ധിച്ചു. സ്കൂൾ പ്രധാനാധ്യാപകൻ കെ.എ. ഫാഹിം സ്വാഗതവും എസ്.ആർ.ജി കൺവീനർ മേരി ഉമ്മൻ നന്ദിയും പറഞ്ഞു.