കർഷക തൊഴിലാളി യൂനിയ‍െൻറ സപ്ലൈ ഓഫിസ് മാർച്ചും ധർണയും

ആലുവ: വിവിധ ആവശ്യങ്ങൾ ഉന്നയിച്ച് കേരള സ്‌റ്റേറ്റ് കർഷക തൊഴിലാളി യൂനിയൻ (കെ.എസ്.കെ.ടി.യു) ആലുവ സപ്ലൈ ഓഫിസ് മാർച്ചും ധർണയും നടത്തി. അർഹരായ മുഴുവൻ പേരെയും റേഷൻ മുൻഗണന പട്ടികയിൽ ഉൾപ്പെടുത്തുക, വെട്ടിക്കുറച്ച മണ്ണെണ്ണ, പഞ്ചസാര വിഹിതം പുനഃസ്ഥാപിക്കുക എന്നീ ആവശ്യങ്ങൾ ഉന്നയിച്ചായിരുന്നു ധർണ. യൂനിയൻ ജില്ല പ്രസിഡൻറ് എം.കെ. മോഹനൻ ഉദ്ഘ്ടനം ചെയ്തു. കെ.പി. റജീഷ്, എം.പി. അബു, ഇ.എം. സലീം, എം.എച്ച്. സുധീർ, പി.ടി. പ്രഭാകരൻ, എ.എ. സന്തോഷ്, അമ്മിണി ജോസ്, പി.വി. ടോമി എന്നിവർ സംസാരിച്ചു.