സ്വാഗതസംഘം ഓഫിസ്​ ഉദ്ഘാടനം ഇന്ന്

ആലുവ: സമസ്ത കേരള ജംഇയ്യതുൽ ഉലമ ജില്ല കമ്മിറ്റിയുടെ ആഭിമുഖ്യത്തിൽ 28ന് പെരുമ്പാവൂർ മുനിസിപ്പൽ സ്‌റ്റേഡിയത്തിൽ സംഘടിപ്പിക്കുന്ന സമസ്ത സമര സംഗമത്തി​െൻറ സ്വാഗതസംഘം ഓഫിസ് വെള്ളിയാഴ്ച ഉദ്ഘാടനം ചെയ്യും. പെരുമ്പാവൂർ ൈപ്രവറ്റ് ബസ് സ്‌റ്റാൻഡിന് സമീപം അസാസ് ബിൽഡിങ്ങിലെ ജില്ല ഇസ്‌ലാമിക് സ​െൻററിൽ വൈകീട്ട് നാലിന് എൽദോസ് കുന്നപ്പിള്ളി എം.എൽ.എ ഉദ്ഘാടനം നിർവഹിക്കും. കേന്ദ്ര മുശാവറ അംഗം ഇ.എസ്. ഹസൻ ഫൈസി, ജില്ല ജനറൽ സെക്രട്ടറി ഓണമ്പിള്ളി മുഹമ്മദ് ഫൈസി, സ്വാഗതസംഘം ചെയർമാൻ ഹംസ എന്നിവർ സംബന്ധിക്കും.