മഴയിലും കാറ്റിലും വ്യാപക നഷ്​ടം

എടത്തല: മഴയിലും കാറ്റിലും എടത്തല മേഖലയിൽ വ്യാപക നാശനഷ്ടം. എടത്തല പാടശേഖരത്തുകൂടി പോകുന്ന 11 കെ.വി വൈദ്യുതി ലൈൻ തകർന്നു. പ്രദേശത്തെ നിരവധി വാഴകൃഷികളും നശിച്ചു. വൈദ്യുതി ലൈനിന് മുകളിലേക്ക് ആഞ്ഞിലിമരം വീണാണ് അപകടം. ഏഴോളം വൈദ്യുതി തൂണുകൾ ഒടിഞ്ഞു. എടത്തല വൈദ്യുതി ഓഫിസിൽനിന്ന് ജീവനക്കാരെത്തി തകരാർ പരിഹരിക്കുന്നതിന് നടപടികളാരംഭിച്ചു.