പൊതുനിരത്തിൽ സ്ഥാപിച്ച അനധികൃത പരസ്യബോർഡുകൾ നീക്കി

പറവൂർ: പൊതുനിരത്തുകളിൽ സ്ഥാപനങ്ങളും സംഘടനകളും അനധികൃതമായി സ്ഥാപിച്ചിരുന്ന പരസ്യ ബോർഡുകൾ നീക്കം ചെയ്തു. പൊതുമരാമത്ത് വകുപ്പി​െൻറ നേതൃത്വത്തിലാണ് പരസ്യബോർഡുകളും ഹോർഡിങ്ങുകളും നീക്കുന്നത്. അനധികൃത ബോർഡുകൾ സ്വയം നീക്കണമെന്ന് അറിയിപ്പ് കൊടുത്തിട്ടും നീക്കാത്തതിനെ തുടർന്നാണ് അധികൃതരുടെ ഇടപെടലൽ. ട്രാഫിക് അഡ്വൈസറി കമ്മിറ്റി തീരുമാനത്തി​െൻറ അടിസ്ഥാനത്തിലാണ് നടപടി സ്വീകരിച്ചത്. മുനിസിപ്പൽ കവല മുതൽ വെടിമറ വരെയുള്ള ഭാഗത്ത് സ്ഥാപിച്ചിരുന്ന ബോർഡുകളാണ് നീക്കുന്നത്. വൈദ്യുതിവിളക്കുകൾ തെളിയുന്ന ബോർഡുകളടക്കം ൈകേയറി സ്ഥാപിച്ചിരുന്നു. അനധികൃത ബോർഡുകൾ വാഹനങ്ങളുടെ ഡ്രൈവർമാരുടെ കാഴ്ച മറയ്ക്കുന്നതായി പരാതി ഉയർന്നിരുന്നു. പൊതുമരാമത്ത് വകുപ്പി​െൻറ ഉടമസ്ഥതയിലുള്ള റോഡുകളിൽ സ്ഥാപിച്ച അനധികൃത ബോർഡുകൾ പൂർണമായും നീക്കുമെന്ന് അധികൃതർ അറിയിച്ചു.