കഞ്ചാവുമായി രണ്ട് ഇതര സംസ്ഥാനക്കാർ പിടിയിൽ

നെടുമ്പാശ്ശേരി: ദേശം പുറയാറിൽ കഞ്ചാവുമായി രണ്ട് ഇതര സംസ്ഥാനക്കാർ നെടുമ്പാശ്ശേരി പൊലീസി​െൻറ പിടിയിലായി. ഡൽഹി തൈനൂർ നഗർ സ്വദേശി ജോഹ്രത്ത് (26), പശ്ചിമബംഗാൾ സ്വദേശി അനീസ് ഷേഖ് (25) എന്നിവരാണ് അറസ്റ്റിലായത്. ചൊവ്വാഴ്ച വൈകീട്ട് പുറയാറിൽ എസ്.ഐ സോണി മത്തായിയുടെ നേതൃത്വത്തിൽ നടത്തിയ പരിശോധനയിലാണ് പ്രതികളെ അറസ്റ്റ് ചെയ്തത്. 50 ഗ്രാം കഞ്ചാവ് ഇവരിൽനിന്ന് പിടിച്ചെടുത്തു. ഇതര സംസ്ഥാനക്കാർക്കിടയിൽ കഞ്ചാവ് വിതരണം ചെയ്യുന്ന സംഘത്തിൽപെട്ടവരാണിവർ. പ്രതികളെ അങ്കമാലി കോടതി റിമാൻഡ് ചെയ്തു.