വിദ്യാഭ്യാസ പുരസ്കാര സമർപ്പണം

പള്ളുരുത്തി: നഗരസഭ 14-ാം ഡിവിഷൻ വികസന സമിതിയുടെ ആഭിമുഖ്യത്തിൽ ഡിവിഷൻ പരിധിയിൽനിന്ന് എസ്.എസ്.എൽ.സി, പ്ലസ് ടു, സ്െപഷൽ സ്കൂൾ വിഭാഗങ്ങളിൽ ഉന്നത വിജയം നേടിയ വിദ്യാർഥികൾക്ക് പുരസ്കാരം വിതരണം ചെയ്തു. ജോൺ ഫെർണാണ്ടസ് എം.എൽ.എ സമ്മേളനം ഉദ്ഘാടനം ചെയ്തു. ഡിവിഷൻ കൗൺസിലർ ടി.കെ. ഷംസുദ്ദീൻ അധ്യക്ഷത വഹിച്ചു. കൊച്ചി ദേവസ്വം ബോർഡ് അംഗം കെ.എൻ. ഉണ്ണികൃഷ്ണൻ, ജോസഫ് ജോൺ ചാണയിൽ, അഡ്വ. സൂരജ്‌ കൃഷ്ണ, എ.ഡി.എസ് ചെയർപേഴ്സൻ ലൈല ദാസ്, നവാസ് ഇബ്രാഹിം, പി.എ. മുഹമ്മദ് ബഷീർ, ഫൈസൽ അബൂബക്കർ, ടി.കെ. ഷമീം തുടങ്ങിയവർ സംസാരിച്ചു. മികച്ച പ്രവർത്തനം കാഴ്ചവെച്ച ഡിവിഷനിലെ മൂന്ന് കുടുംബശ്രീ അയൽക്കൂട്ടങ്ങളെ ആദരിച്ചു.