കന്നുകാലി വിൽപന നിരോധനം: ഹൈകോടതിയിലെ ഹരജികൾ തീർപ്പാക്കി

കൊച്ചി: മാംസത്തിനായി കന്നുകാലികളുടെ വിൽപന നിരോധിച്ച കേന്ദ്ര സർക്കാർ ഉത്തരവ് ചോദ്യംചെയ്യുന്ന ഹരജികൾ ഹൈകോടതി തീർപ്പാക്കി. കഴിഞ്ഞ ദിവസം സുപ്രീംകോടതി ഉത്തരവ് പുറപ്പെടുവിച്ച സാഹചര്യം ചൂണ്ടിക്കാട്ടിയാണ് ഹൈകോടതിയിലെ കേസുകൾ തീർപ്പാക്കിയത്. ഹൈബി ഇൗഡൻ എം.എൽ.എ അടക്കം ഒേട്ടറെ പേർ ഹരജി നൽകിയിരുന്നു. കന്നുകാലി സംരക്ഷണം സംസ്ഥാന സർക്കാറി​െൻറ അധികാര പരിധിയിൽ വരുന്ന വിഷയമാണെന്നിരിക്കെ കേന്ദ്രത്തിന് ഇക്കാര്യത്തിൽ നിയമം െകാണ്ടുവരാനാകില്ലെന്ന് ചൂണ്ടിക്കാട്ടിയായിരുന്നു ഹരജി. കാലിയിറച്ചിക്കച്ചവടം നടത്തുന്ന ചെറുകിട കച്ചവടക്കാരുടെ ജീവിതം താളംതെറ്റിക്കുന്ന ഉത്തരവ് റദ്ദാക്കണമെന്നും ആവശ്യപ്പെട്ടിരുന്നു.