ബാർ ഹോട്ടലിൽ പരിശോധന: പഴകിയ ഇറച്ചി പിടിച്ചെടുത്തു

ബാർ ഹോട്ടലിൽ പരിശോധന: പഴകിയ ഇറച്ചി പിടിച്ചെടുത്തു പറവൂർ: നഗരസഭ ആരോഗ്യ വിഭാഗവും എക്സൈസും പറവൂരിലെ ബാർ ഹോട്ടലുകളിൽ പരിശോധന നടത്തി. ചേന്ദമംഗലം കവലക്ക് സമീപത്തെ സി.സി.ടവർ ബാർ ഹോട്ടലിൽനിന്ന് ദിവസങ്ങൾ പഴക്കമുള്ള ഇറച്ചി കണ്ടെടുത്തു.ഹോട്ടലി​െൻറ അടുക്കള വൃത്തിഹീനമായ രീതിയിൽ കിടക്കുന്നത് ശ്രദ്ധയിൽപ്പെട്ട അന്വേക്ഷണ സംഘം ശുചിയാക്കാൻ കർശന നിർദേശം നൽകി. ഈ സ്ഥാപനത്തിന് നഗരസഭ അധികൃതർ നോട്ടീസ് നൽകി. പനിയും പകർച്ച വ്യാധികളും പടർന്നതോടെയാണ് ഹോട്ടലുകളിലും മറ്റും പരിശോധന കർശനമാക്കിയത്. എൻ.ജി.ഒ സമ്മേളനം പറവൂർ: എൻ.ജി.ഒ അസോസിയേഷൻ പറവൂർ ബ്രാഞ്ച് സമ്മേളനം വ്യാഴാഴ്ച രാവിലെ 10ന് ടി.ബി ഹാളിൽ ചേരും. വി.ഡി. സതീശൻ എം.എൽ.എ ഉദ്ഘാടനം ചെയ്യും. കെ.പി. ധനപാലൻ മുഖ്യാതിഥിയായിരിക്കും. യാത്രയയപ്പ് സമ്മേളനം, ജനറൽ ബോഡി യോഗം, ഭാരവാഹികളുടെ തെരഞ്ഞെടുപ്പ് എന്നിവ നടക്കും.