ep pvr100

പറവൂരിൽ 82 സ്ഥാപനങ്ങൾക്ക് അടച്ചുപൂട്ടൽ നോട്ടീസ്; 49 എണ്ണം നീക്കി പറവൂർ: നഗരസഭ പരിധിയിൽ ലൈസൻസും ശുചിത്വ സംവിധാനം ഇല്ലാതെയും പ്രവർത്തിച്ചിരുന്ന 82 സ്ഥാപനങ്ങൾ അടച്ചുപൂട്ടാൻ ജില്ല കലക്ടറുടെ സ്ക്വാഡ് നോട്ടീസ് നൽകി. ഇവയിൽ 49 എണ്ണം സ്ഥാപനങ്ങൾ സ്വമേധയ നീക്കി. 28 എണ്ണം സ്ക്വാഡ് നേരിട്ട് നീക്കുകയും ചെയ്തു. മതിയായ ശുചിത്വ സംവിധാനമില്ലാത്ത ഉഡുപ്പി ഹോട്ടൽ, പ്രവീൺ സ്നാക്സ് ബാർ, ശിവദാസ് ടീ ഷോപ്, മർഹബ ചിക്കൻ സ്റ്റാൾ എന്നിവ അടച്ചുപൂട്ടാനും നിർദേശിച്ചിട്ടുണ്ട്. നീക്കാത്ത സ്ഥാപനങ്ങൾക്കെതിരെ വരും ദിവസങ്ങളിൽ നടപടിയുണ്ടാകും. പകർച്ചവ്യാധികളുടെ വ്യാപനം തടയുന്നതി​െൻറ ഭാഗമായാണ് നടപടി ശക്തമാക്കിയത്.