വിദ്യാഭ്യാസ വായ്പ തിരിച്ചടവ് മുടങ്ങിയ വിദ്യാർഥികളുടെ കണ്‍വെന്‍ഷന്‍

മൂവാറ്റുപുഴ: ഡി.വൈ.എഫ്.ഐയുടെയും എസ്.എഫ്.ഐയുടെയും നേതൃത്വത്തില്‍ വിദ്യാഭ്യാസ വായ്പ എടുത്ത് തിരിച്ചടവ് മുടങ്ങിയ വിദ്യാർഥികളുടെ കണ്‍വെന്‍ഷന്‍ മൂവാറ്റുപുഴയിൽ നടന്നു. ഡി. വൈ.എഫ്.ഐ ജില്ല വൈസ് പ്രസിഡൻറ് സജി ജോര്‍ജ് ഉദ്ഘാടനം ചെയ്തു. എസ്.എഫ്.ഐ ഏരിയ പ്രസിഡൻറ് ജിഷ്ണു ബിജു അധ്യക്ഷത വഹിച്ചു. ബാങ്ക് എംപ്ലോയീസ് യൂനിയന്‍ ജില്ല പ്രസിഡൻറ് രാജന്‍, സി.പി.എം ഏരിയ സെക്രട്ടറി എം.ആര്‍. പ്രഭാകരന്‍, എസ്.എഫ്.ഐ ഏരിയ സെക്രട്ടറി വിജയ് കെ. ബേബി, ജോ. സെക്രട്ടറി അജമല്‍ തുടങ്ങിയവര്‍ സംസാരിച്ചു. വിദ്യാഭ്യാസ വായ്പ എഴുതിത്തള്ളാന്‍ സര്‍ക്കാര്‍ അനുവദിച്ച 900 കോടി രൂപയുടെ ആനുകൂല്യം അര്‍ഹരായായ എല്ലാവര്‍ക്കും ലഭ്യമാക്കാനായി എല്ലാ പഞ്ചായത്തിലും മുനിസിപ്പാലിറ്റിയിലും ഹെല്‍പ് ഡെസ്‌ക് രൂപവത്കരിച്ചു.