നിരോധിച്ച നോട്ടുകളുമായി പിടിയിലായവർക്ക്​ ഇടക്കാല ജാമ്യം

ചേർത്തല: നിരോധിച്ച അരക്കോടിയോളം രൂപയുമായി പിടിയിലായ ഏഴംഗ സംഘത്തിന് തിങ്കളാഴ്ച കോടതിയിൽ ഹാജരാകണമെന്ന വ്യവസ്ഥയിൽ ചേർത്തല മജിസ്ട്രേറ്റ് കോടതി ഇടക്കാല ജാമ്യം അനുവദിച്ചു. കഴിഞ്ഞ ദിവസം അറസ്റ്റിലായ തൃശൂർ കുരിച്ചിറ നെഹ്റുനഗറിൽ ജൂബിലി സ്ട്രീറ്റ് കുന്നത്ത് ഹനീഷ് ജോർജ്(39), വയനാട് മുട്ടിൽനോർത്ത് പരിയാരം കള്ളംപെട്ടിയിൽ വീട്ടിൽ സനീർ(35), കണ്ണൂർ തളിപ്പറമ്പ് മണിക്കടവ് കല്ലുപുരപറമ്പിൽ അഖിൽ ജോർജ്(24), വർക്കല ചെറുകുന്നത്ത് മുസ്ലിയാർ കോട്ടേജിൽ നൗഫൽ(44),കോഴിക്കോട് താമരേശ്ശരി പുതുപ്പാടി ആനാറമ്മൽ കബീർ(33), മൂവാറ്റുപുഴ ആവോലി രണ്ടാർ നെടിയാമല ആരിഫ്(35), കോഴിക്കോട് ഉണ്ണിക്കുളം മടുത്തുമ്മേൽ മുഹമ്മദ് അലി(39)എന്നിവർക്കാണ് ജാമ്യം അനുവദിച്ചത്. 500, 1000 രൂപ യുടെ നിരോധിച്ച അരക്കോടിയോളം നോട്ടുകളുംപ്രതികൾ സഞ്ചരിച്ച ആഡംബര കാറും 13 പാസ്പോർട്ടുകളും ഒമ്പത് മൊബൈൽ ഫോണുകളുമാണ് ചേർത്തല പൊലീസ് പിടിച്ചെടുത്തത്.