പകർച്ചവ്യാധികൾ തുടരുമ്പോഴും മാലിന്യം റോഡരികിൽ

മൂവാറ്റുപുഴ: പകര്‍ച്ചവ്യാധികള്‍ പടര്‍ന്നുപിടിക്കുമ്പോഴും മാലിന്യം നീക്കംചെയ്യാതെ പഞ്ചായത്ത്. ആവോലി പഞ്ചായത്ത് ഒാഫിസിനുസമീപമാണ് മാലിന്യം കുന്നുകൂടി കിടക്കുന്നത്. തൊടുപുഴ-മൂവാറ്റുപുഴ റോഡരികിൽ ആവോലി പഞ്ചായത്ത് ഓഫിസി​െൻറ പരിസരത്ത് മാലിന്യം കുന്നുകൂട്ടിയിട്ടിട്ടും അതിനെതിരെ നടപടി ഉണ്ടായിട്ടില്ല. റോഡിലടക്കം മാലിന്യം നീക്കം ചെയ്യേണ്ടത് പഞ്ചായത്തി​െൻറ ജോലിയാണങ്കിലും ഇവിടെ നടക്കാറില്ലന്ന് നാട്ടുകാർ പരാതിപ്പെട്ടു. നിരവധി തവണ മാലിന്യം നീക്കം ചെയ്യണമെന്ന് പരാതി പറഞ്ഞിട്ടും നടപടിയുണ്ടായില്ല. പകര്‍ച്ചവ്യാധി പ്രതിരോധപ്രവര്‍ത്തനങ്ങള്‍ പ്രസ്താവനയില്‍ മാത്രം ഒതുങ്ങുകയാണെന്ന് നാട്ടുകാര്‍ ആരോപിച്ചു.