പീഡനക്കേസ് പ്രതി കോടതി നിർദേശത്തെ തുടർന്ന് കീഴടങ്ങി

നെടുമ്പാശ്ശേരി: യുവതിയെ പീഡിപ്പിച്ച കേസിൽ പ്രതിചേർക്കപ്പെട്ടിട്ടുള്ളയാൾ കോടതി നിർേദശത്തെ തുടർന്ന് പൊലീസ് മുമ്പാകെ കീഴടങ്ങി. നെടുമ്പാശ്ശേരി വിമാനത്താവളത്തിന് സമീപമുള്ള ഫ്ലാറ്റിലെ താമസക്കാരനായിരുന്ന തുരുത്തിശ്ശേരി സ്വദേശി ശ്രീകുമാറാണ് (42) ഹൈക്കോടതി നിർദേശത്തെ തുടർന്ന് നെടുമ്പാശ്ശേരി പൊലീസിൽ കീഴടങ്ങിയത്. എന്നാൽ, അന്വേഷണ ഉദ്യോഗസ്ഥനായ സി.ഐ സ്ഥലത്തില്ലാത്തതിനാൽ അറസ്റ്റ് രേഖപ്പെടുത്തിയിട്ടില്ല. േമയ് മാസത്തിലാണ് കേസിനാസ്പദമായ സംഭവം. പാലക്കാട് സ്വദേശിനിയായ യുവതിയാണ് പരാതിക്കാരി. യുവതി പൊലീസിൽ പരാതി നൽകിയതോടെ ഇയാൾ ഒളിവിൽ പോവുകയായിരുന്നു. ഇയാളെ തിങ്കളാഴ്ച രാവിലെ അങ്കമാലി കോടതിയിൽ ഹാജരാക്കും. തുടർന്ന് വിശദമായ ചോദ്യം ചെയ്യലിനായി കസ്റ്റഡിയിൽ വാങ്ങുവാനാണ് തീരുമാനം.