കുടുംബസംഗമം നടത്തി

പറവൂർ: ടൗൺ മണ്ഡലം 96-ാം ബൂത്ത് കമ്മിറ്റി സംഘടിപ്പിച്ച ഇന്ദിര ഗാന്ധി ജന്മശതാബ്്ദി ആഘോഷവും ബൂത്തുതല കുടുംബസംഗമവും കെ.വി. തോമസ് എം.പി ഉദ്ഘാടനം ചെയ്തു. വി.ഡി. സതീശൻ എം.എൽ.എ മുഖ്യാഥിതിയായി. ബൂത്ത് പ്രസിഡൻറ് പി.കെ. വേണുഗോപാൽ അധ്യക്ഷത വഹിച്ചു. കെ.പി. ധനപാലൻ മുതിർന്ന പ്രവർത്തകരെ ആദരിച്ചു. കെ.പി.സി.സി ജനറൽ സെക്രട്ടറി വത്സല പ്രസന്നകുമാർ ഇന്ദിര ഗാന്ധി അനുസ്മരണ പ്രഭാഷണം നടത്തി. പരീക്ഷകളിൽ മികച്ചവിജയം നേടിയവർക്കുള്ള ഉപഹാരം നഗരസഭ ചെയർമാൻ രമേഷ് ഡി. കുറുപ്പ് വിതരണം ചെയ്തു. കെ.ജെ. ആൻറണി, കെ.എ. അഗസ്റ്റിൻ, അനു വട്ടത്തറ, വി.സി. പത്രോസ്, സരസ്വതി രാമചന്ദ്രൻ, വി.എ. പ്രഭാവതി,എം.ജെ. രാജു, എം.പി. പ്രമോദ് എന്നിവർ സംസാരിച്ചു.