പെൺകുട്ടിയ പീഡിപ്പിച്ച യുവാവ് പിടിയിൽ

കൊച്ചി: പ്രണയം നടിച്ച് പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച കേസില്‍ യുവാവിനെ എറണാകുളം ടൗണ്‍ സൗത്ത് പൊലീസ് അറസ്റ്റ് ചെയ്തു. എറണാകുളം രവിപുരം അമ്പലോത്ത് വീട്ടില്‍ ബാബുവി​െൻറ മകന്‍ വിഷ്ണുവാണ് (20) അറസ്റ്റിലായത്. കുട്ടിയെ കാണാനില്ലെന്ന് കാണിച്ച് രക്ഷിതാക്കള്‍ പനങ്ങാട് പൊലീസില്‍ പരാതി നല്‍കിയിരുന്നു. അന്വേഷണത്തിനിടെ പെണ്‍കുട്ടിയെ കണ്ടെത്തി. മൊഴി രേഖപ്പെടുത്തിയപ്പോഴാണ് പീഡനവിവരം പുറത്തായത്. പ്രതിയെ കോടതി റിമാന്‍ഡ് ചെയ്തു.