ഫിഫ അണ്ടര്‍^17 ലോകകപ്പ്: റോഡ്​ നവീകരണത്തിന് ഭരണാനുമതി

ഫിഫ അണ്ടര്‍-17 ലോകകപ്പ്: റോഡ് നവീകരണത്തിന് ഭരണാനുമതി കൊച്ചി: ഫിഫ അണ്ടര്‍-19 ലോകകപ്പിന് മുന്നോടിയായി നഗരത്തിലെ റോഡുകളുടെ നവീകരണത്തിനും സൗന്ദര്യവത്കരണത്തിനും സര്‍ക്കാറി​െൻറ ഭരണാനുമതി ലഭിച്ചതായി കലക്ടര്‍ കെ. മുഹമ്മദ് വൈ. സഫിറുല്ല അറിയിച്ചു. 17.77 കോടി രൂപയുടെ നവീകരണ, സൗന്ദര്യവത്കരണ ജോലികള്‍ക്കാണ് ഭരണാനുമതി. ഇതില്‍ ജവഹര്‍ലാല്‍ നെഹ്‌റു സ്റ്റേഡിയം റോഡി​െൻറ ടാറിങ്ങിനാവശ്യമായ 2.5 കോടി ജി.സി.ഡി.എ ഫണ്ടില്‍നിന്ന് ചെലവിടും. സെപ്റ്റംബര്‍ 15നകം നിര്‍മാണജോലി പൂര്‍ത്തിയാക്കണമെന്നും സര്‍ക്കാര്‍ ഉത്തരവില്‍ വ്യക്തമാക്കി. ലോകകപ്പി​െൻറ പ്രധാനവേദിയായ ജവഹര്‍ലാല്‍ നെഹ്‌റു സ്റ്റേഡിയത്തിന് പുറമെ പരിശീലനവേദികളായ മഹാരാജാസ് കോളജ് ഗ്രൗണ്ട്, പനമ്പിള്ളിനഗര്‍ ഗവ. ഹൈസ്‌കൂള്‍ ഗ്രൗണ്ട്, ഫോര്‍ട്ട്കൊച്ചി പരേഡ് ഗ്രൗണ്ട്, വെളി മൈതാനം എന്നീ മേഖലകളിലാണ് റോഡുകളുടെ നവീകരണവും സൗന്ദര്യവത്കരണവും നടപ്പാക്കുന്നത്. ഫിഫ അണ്ടര്‍-17 ലോകകപ്പി​െൻറ സംഘാടകസമിതിയുമായി ബന്ധപ്പെട്ട ഭരണനിര്‍വഹണച്ചെലവുകള്‍ക്ക് അഞ്ചുലക്ഷം രൂപയുടെയും സംസ്ഥാനവ്യാപകമായി പ്രചാരണ പരിപാടികള്‍ സംഘടിപ്പിക്കുന്നതിന് 60 ലക്ഷം രൂപയുടെയും എസ്റ്റിമേറ്റിനും സര്‍ക്കാര്‍ ഭരണാനുമതി നല്‍കി.