30.79 ലക്ഷം രൂപയുടെ സ്വർണം പിടികൂടി

നെടുമ്പാശ്ശേരി: മിക്സിയുടെ ഉള്ളിൽ ഒളിപ്പിച്ചുകടത്തിയ 30.79 ലക്ഷം രൂപയുടെ സ്വർണം കൊച്ചി വിമാനത്താവളത്തിൽ പിടികൂടി. എയർ ഇന്ത്യ എക്സ്പ്രസ് വിമാനത്തിൽ ദുബൈയിൽനിന്ന് വന്ന ഒറ്റപ്പാലം സ്വദേശി മുജീബി​െൻറ ബാഗേജിൽനിന്നാണ് 1076.65 ഗ്രാം സ്വർണം കസ്റ്റംസ് എയർ ഇൻറലിജൻസ് വിഭാഗം പിടികൂടിയത്. മിക്സിയുടെ മോട്ടോറിനുള്ളിലെ കോയിലിനിടയിലാണ് സ്വർണം ഒളിപ്പിച്ചത്. സ്വർണം ഉരുക്കി കോയിലിനിടയിലെ ഒഴിഞ്ഞ ഭാഗത്ത്് ഒഴിക്കുകയായിരുന്നു. സംശയം തോന്നി മിക്സി അഴിച്ച്് പരിശോധിച്ചപ്പോഴാണ് സ്വർണം കണ്ടെത്തിയത്. കസ്റ്റംസ് അഡീഷനൽ കമീഷണർ എസ്. അനിൽകുമാർ, അസിസ്റ്റൻറ് കമീഷണർമാരായ പി.ജെ. ഡേവിഡ്, ഇ.വി. ശിവരാമൻ, സൂപ്രണ്ടുമാരായ ആർ.ലത, ടി.കെ. ശ്രീഷ്, കെ.പി. മജീദ്, കെ.ശ്രീകുമാർ തുടങ്ങിയവരുടെ നേതൃത്വത്തിലാണ് സ്വർണം പിടികൂടിയത്.