വെള്ളപ്പൊക്കം: അസമിൽ മരണം 26

വെള്ളപ്പൊക്കം: അസമിൽ മരണം 26 ഗുവാഹതി: വെള്ളപ്പൊക്കം കടുത്ത ദുരിതംവിതച്ച അസമിൽ ഒരാൾകൂടി മരിച്ചതോടെ ദുരന്തത്തിനിരയായവരുടെ എണ്ണം 26 ആയി. 15 ജില്ലകളിലായി അഞ്ചു ലക്ഷം പേർ വെള്ളപ്പൊക്ക കെടുതികൾ അനുഭവിക്കുന്നുണ്ട്. കരീംഗഞ്ച് ജില്ലയിലാണ് ഞായറാഴ്ച ഒരാൾ മരിച്ചത്. ഗുവാഹതിയിൽ മാത്രം ഇതുവരെ ഏഴുപേർ മരിച്ചിട്ടുണ്ട്. 1096 ഗ്രാമങ്ങൾ സമ്പൂർണമായി വെള്ളത്തിനടിയിലാണ്. 41,200 ഹെക്ടർ കൃഷി നശിച്ചിട്ടുണ്ട്.