ഓടിക്കൊണ്ടിരിക്കവെ ടയർ പൊട്ടി ജീപ്പ് ഓട്ടോയിലിടിച്ചു

നെട്ടൂർ: വൈറ്റില-അരൂർ ദേശീയപാതയിൽ നെട്ടൂർ പള്ളി സ്റ്റോപ്പിനു സമീപം ടയർ പൊട്ടിയ ജീപ്പ് ഓട്ടോയിലിടിച്ചു. യാത്രക്കാർ അത്ഭുതകരമായി രക്ഷപ്പെട്ടു. ഞായറാഴ്ച ഉച്ചക്ക് ഒരു മണിക്കായിരുന്നു അപകടം. ചക്കരപ്പറമ്പ് സ്വദേശി സിയാദും കുടുംബവും ഓട്ടോയിൽ അരൂർ ഭാഗത്തേക്ക് സഞ്ചരിക്കവെ പിന്നിൽ വരുകയായിരുന്ന ജീപ്പി​െൻറ മുൻവശത്തെ ടയർ പൊട്ടി നിയന്ത്രണംവിട്ട് ഓട്ടോയിലിടിച്ച ശേഷം മീഡിയൻ കടന്ന് ക്രാഷ് ബാരിയറിൽ ഇടിച്ചു നിന്നു. ഓട്ടോയും റോഡരികിലെ മീഡിയൻ കടന്ന് ക്രാഷ് ബാരിയറിൽ ഇടിച്ചുനിന്നത് യാത്രക്കാർക്ക് തുണയായി. നിസ്സാര പരിക്കേറ്റ ഓട്ടോ ഡ്രൈവറെയും സിയാദി‍​െൻറ മാതാവിനെയും വൈറ്റില വെൽകെയർ ആശുപത്രിയിൽ പ്രഥമ ശുശ്രൂഷ നൽകി വിട്ടയച്ചു.