മൂന്നിൽ കൂടുതൽ നാമനിർദേശ പത്രിക സമർപ്പിച്ചു; വാർഡ് അംഗത്തിെൻറ തെരഞ്ഞെടുപ്പ് കോടതി റദ്ദാക്കി

മൂവാറ്റുപുഴ: വാരപ്പെട്ടി ഗ്രാമപഞ്ചായത്തിലെ കോഴിപ്പിള്ളി സൗത്ത് 13-ാം വാർഡ് അംഗം മോഹനൻ വേലായുധ‍​െൻറ തെരഞ്ഞെടുപ്പ് മൂവാറ്റുപുഴ മുൻസിഫ് കോടതി റദ്ദാക്കി. പഞ്ചായത്ത് തെരഞ്ഞെടുപ്പിൽ മോഹനൻ വേലായുധൻ നിയമവിരുദ്ധമായി മൂന്നിൽ കൂടുതൽ നാമനിർദേശ പത്രികകൾ സമർപ്പിക്കുകയും അവ റിട്ടേണിങ് ഓഫിസർ സ്വീകരിച്ചുവെന്നും ഇതിനാൽ തെരഞ്ഞെടുപ്പ് അസ്ഥിരപ്പെടുത്തണമെന്നും കാണിച്ച് യു.ഡി.എഫ് സ്ഥാനാർഥി കെ.ജി. കുര്യാക്കോസ് നൽകിയ ഹരജിയിലാണ് ഉത്തരവ്. പതിമൂന്നംഗ പഞ്ചായത്ത് ഭരണസമിതിയിൽ എൽ.ഡി.എഫിന് ഏഴും യു.ഡി.എഫിന് ആറും അംഗങ്ങളാണുള്ളത്. കോടതി ഉത്തരവു മൂലം ഇപ്പോൾ ഭരണ-പ്രതിപക്ഷാംഗങ്ങൾ തുല്യമായി.