കൊച്ചി കാന്‍സര്‍ സെൻറർ: മെഡിക്കല്‍ കോളജിലെ സൗകര്യം പ്രയോജനപ്പെടുത്തും

കൊച്ചി: കൊച്ചി കാന്‍സര്‍ സ​െൻററിന് കളമശ്ശേരിയിലെ എറണാകുളം മെഡിക്കല്‍ കോളജിലെ ചികിത്സ സൗകര്യങ്ങള്‍ താൽക്കാലികമായി പ്രയോജനപ്പെടുത്താന്‍ ധാരണയായതായി കാന്‍സര്‍ സ​െൻറർ സ്‌പെഷല്‍ ഓഫിസര്‍കൂടിയായ കലക്ടര്‍ മുഹമ്മദ് വൈ. സഫിറുല്ല അറിയിച്ചു. കലക്ടറുടെ സാന്നിധ്യത്തില്‍ ചേര്‍ന്ന മെഡിക്കല്‍ കോളജ് അധികൃതരുടെയും ബന്ധപ്പെട്ട മറ്റ് ഏജന്‍സി പ്രതിനിധികളുടെയും യോഗത്തിലാണ് ഇതുസംബന്ധിച്ച ധാരണയിലെത്തിയത്. കാന്‍സര്‍ സ​െൻററി​െൻറ ഓപറേഷന്‍ തിയറ്റര്‍ സജ്ജമാകുന്നതുവരെ മെഡിക്കല്‍ കോളജിലെ തിയറ്ററില്‍ ശസ്ത്രക്രിയകള്‍ നടത്തും. ഇതിനാവശ്യമായ 50 ലക്ഷം രൂപയുടെ മെഡിക്കല്‍ ഉപകരണങ്ങള്‍ കാന്‍സര്‍ സ​െൻറർ നല്‍കും. തിയറ്റര്‍ കാന്‍സര്‍ ശസ്ത്രക്രിയകള്‍ക്ക് ഉതകുന്ന രീതിയില്‍ നവീകരിക്കും. ഒക്‌ടോബര്‍ ഒന്നിനകം കാന്‍സര്‍ സ​െൻറിലെ ഓപറേഷന്‍ തിയറ്റര്‍ പ്രവര്‍ത്തനസജ്ജമാക്കാനാകുമെന്നും കലക്ടർ അറിയിച്ചു. ഇതിനകം രണ്ട് ശസ്ത്രക്രിയ കാന്‍സര്‍ സ​െൻററിന് വേണ്ടി മെഡിക്കല്‍ കോളജിലെ തിയറ്ററില്‍ നടത്തി. കാന്‍സര്‍ സ​െൻററില്‍ രോഗികളുടെ തിരക്ക് കൂടുന്നതനുസരിച്ച് കൂടുതല്‍ ജീവനക്കാരെ നിയമിക്കാനും നടപടി സ്വീകരിക്കും. പാര്‍ട് ടൈം അടിസ്ഥാനത്തില്‍ അനസ്‌തേഷ്യ വിദഗ്ധനെ നിയമിക്കാനും തീരുമാനമായി. അർബുദ ഗവേഷണ, ചികിത്സ കേന്ദ്രത്തി​െൻറ വിശദ പദ്ധതി റിപ്പോര്‍ട്ട് സംബന്ധിച്ച അവലോകനവും യോഗത്തില്‍ നടന്നു. അന്തിമ റിപ്പോര്‍ട്ട് ഇൗ മാസം 15നകം തയാറാകും. ആഗസ്റ്റ് അവസാനത്തോടെ നിര്‍മാണപ്രവൃത്തിക്കും ഉപകരണങ്ങള്‍ക്കും ടെന്‍ഡര്‍ വിളിക്കുമെന്നും കലക്ടര്‍ പറഞ്ഞു. പി.ജി ഡിപ്ലോമ ഇൻ മോണ്ടിസോറി: അപേക്ഷ ക്ഷണിച്ചു കൊച്ചി: നാഷനൽ ചൈൽഡ് െഡവലപ്മ​െൻറ് കൗൺസിൽ (എൻ.സി.ഡി.സി) ആഭിമുഖ്യത്തിൽ നടത്തുന്ന പോസ്റ്റ് ഗ്രാജ്വേറ്റ് ഡിപ്ലോമ ഇൻ ഇൻറർനാഷനൽ മോണ്ടിസോറി ബാച്ചിലേക്ക് വനിതകളിൽനിന്ന് (പ്രായപരിധിയില്ല) അപേക്ഷ ക്ഷണിച്ചു. യോഗ്യത: ബിരുദം. എറണാകുളം, ആലുവ, നോർത്ത് പറവൂർ, പെരുമ്പാവൂർ എന്നിവിടങ്ങളിലാണ് പഠനകേന്ദ്രങ്ങൾ. ഫോൺ: 9846808283.