പട്ടിമറ്റത്ത് കുടുംബശ്രീ വിപണനമേള

കിഴക്കമ്പലം: വടവുകോട് ബ്ലോക്ക് പഞ്ചായത്തിന് കീഴിലെ കുടുംബശ്രീ സംരംഭങ്ങളുടെ വിപണനമേള പട്ടിമറ്റത്ത് ആരംഭിച്ചു. വീടുകളിൽ ഉൽപാദിപ്പിക്കുന്ന വിവിധ തരം പലഹാരങ്ങൾ, അച്ചാറുകൾ, കറിമസാലക്കൂട്ടുകൾ, ധാന്യപ്പൊടികൾ, സോപ്പ്, സോപ്പ്പൊടി, ചിരട്ടത്തവികൾ, വിവിധയിനം പായസങ്ങൾ, പായ, ചവിട്ടി, വസ്ത്രങ്ങൾ എന്നിവയാണ് വിൽപനക്കുള്ളത്. ഉദ്ഘാടനം മുൻ പഞ്ചായത്ത് പ്രസിഡൻറ് പി.പി. അബൂബക്കർ നിർവഹിച്ചു. വൈസ്പ്രസിഡൻറ് നെസി ഉസ്മാൻ അധ്യക്ഷത വഹിച്ചു. സി.ഡി.എസ് പ്രസിഡൻറ് രമാദേവി, സോഫി ജോൺ എന്നിവർ പങ്കെടുത്തു.