കുട്ടമല സി.എസ്​.​െഎ പള്ളിയിൽ സാമൂഹികവിരുദ്ധ ആക്രമണം

വെള്ളറട: കുട്ടമല സി.എസ്.െഎ പള്ളിയിൽ സാമൂഹികവിരുദ്ധ അക്രമം. അൾത്താരയും ജനാലകളും തകർന്നു. ലക്ഷത്തിലധികം രൂപയുടെ നാശനഷ്ടം സംഭവിച്ചു. കഴിഞ്ഞദിവസം രാത്രിയാണ് പള്ളിയുടെ കതക് ചവിട്ടി തകർത്ത് ഉള്ളിൽകടന്ന ആക്രമികൾ അൾത്താരയും പ്രാർഥനാ ഉപകരണങ്ങളും അടിച്ചുതകർത്തത്. അക്രമികളെ ഉടൻ പിടികൂടിയില്ലെങ്കിൽ വൻ പ്രതിഷേധത്തിന് ഇടവരുമെന്ന് ബിഷപ് ധർമരാജ് റസാലം പറഞ്ഞു. അേതസമയം കഴിഞ്ഞ വ്യാഴാഴ്ച ക്രിസ്മസ് കരോൾ നടത്തി മടങ്ങുകയായിരുന്ന സഭാ പുരോഹിതൻ ലോറൻസിനെ ആക്രമിച്ചിരുന്നു. കൈ ഒടിഞ്ഞ ഇദ്ദേഹം നെയ്യാറ്റിൻകര ജില്ല ആശുപത്രിയിൽ ചികിത്സയിലാണ്. അടുത്തദിവസംതന്നെ നെയ്യാർഡാം പൊലീസിന് പരാതി നൽകിയെങ്കിലും അന്വേഷണം ഉണ്ടായില്ല. പൊലീസി​െൻറ മെല്ലെപ്പോക്കാണ് ആക്രമണം തുടർക്കഥയാകാൻ കാരണമെന്ന് സഭാവിശ്വാസികൾ ആരോപിച്ചു. ഉന്നത പൊലീസ് സംഘവും വിരലടയാള വിദഗ്ധരും സ്ഥലത്തെത്തി തെളിവെടുപ്പ് നടത്തി. സംഭവവുമായി ബന്ധപ്പെട്ട് മൂന്നംഗ സംഘത്തെ അറസ്റ്റ് ചെയ്തതായും സൂചനയുണ്ട്. ക്രിസ്മസ് കരോൾ മതപരിവർത്തനമാണെന്ന് ആരോപിച്ചാണ് സാമൂഹികവിരുദ്ധർ വൈദികനെ ആക്രമിച്ചതെന്നും സഭാവിശ്വാസികൾ പറഞ്ഞു.