നവജാതശിശു പരിചരണ സംഗമവേദി

മൂവാറ്റുപുഴ: സബൈൻ ആശുപത്രിയുടെ ആഭിമുഖ്യത്തിൽ നവജാതശിശുക്കളുടെ പരിചരണ സംഗമവേദി സംഘടിപ്പിച്ചു. 50- കുരുന്നുകളും അവരുടെ മാതാപിതാക്കളും പങ്കെടുത്തു. ആശുപത്രി മാനേജിങ് ഡയറക്ടർ ഡോ. എസ്. സബൈൻ ഉദ്ഘാടനം ചെയ്തു. ഡോ. ജഗന്ത്, ഡോ. എബ്രഹാം മാത്യു, ഡോ. മനു രാജൻ ഇടിക്കുള എന്നിവർ ക്ലാസ് എടുത്തു. പൂർണവളർച്ചയെത്താതെ ജനിക്കുന്ന കുഞ്ഞുങ്ങളെ പരിപാലിക്കേണ്ട രീതി, വാക്‌സിനേഷ‍​െൻറ ആവശ്യകത, ആഹാരക്രമം എന്നിവയെക്കുറിച്ചായിരുന്നു ക്ലാസ്. സബൈൻ ആശുപത്രിയിൽ ജനിച്ച ഒരുകിലോയിൽ താഴെയുള്ള കുട്ടികളാണ് സംഗമത്തിൽ പങ്കെടുത്തത്. പരിപാടിയിൽ പങ്കെടുക്കാനെത്തിയ മാതാപിതാക്കൾ തങ്ങളുടെ അനുഭവങ്ങളും കുഞ്ഞുങ്ങളെ പരിപാലിക്കുന്നതിനെക്കുറിച്ച അറിവുകളും പരസ്പരം പങ്കുവെച്ചു.