വാടകക്കെടുത്ത വിഡിയോ കാമറ വിറ്റ് ആർഭാട ജിവിതം നയിച്ചുവന്ന യുവാവ് അറസ്​റ്റിൽ

കോതമംഗലം: വാടകക്കെടുത്ത വിഡിയോ കാമറ വിറ്റ് ആർഭാട ജിവിതം നയിച്ചുവന്ന യുവാവ് അറസ്റ്റിൽ. കണ്ണൂർ കരിയിൽ സ്വദേശി മൂവാറ്റുപുഴ ആരക്കുഴ മൂഴിഭാഗത്ത് വാടകയ്ക്ക് താമസിക്കുന്ന റെയിസൺ വിൽസൺ (20) ആണ് അറസ്റ്റിലായത്. ടി.വി ചാനലിൽ ഷോർട്ട് ഫിലിം നിർമിക്കാനെന്ന വ്യാജേന കോതമംഗലം കോഴിപ്പിള്ളി സ്വദേശി ബേസിൽ വർഗീസിൽനിന്ന് മൂന്നു ലക്ഷം രൂപ വിലമതിക്കുന്ന വിഡിയോ കാമറ വാടകക്കെടുത്ത് സാമൂഹിക മാധ്യമമായ ഒ.എൽ.എക്സ് വഴി ബാംഗ്ലൂരിൽ വിൽപന നടത്തുകയായിരുന്നു. കേരളത്തിലും കർണാടകയിലും തമിഴ്നാട്ടിലും സമാന രീതിയിൽ കാമറകൾ വാടകക്കെടുത്ത് ഇയാൾ തട്ടിപ്പ് നടത്തിയിട്ടുള്ളതായി െപാലീസ് പറഞ്ഞു. കോതമംഗലം സി.ഐ വി.ടി.ഷാജൻ, എസ്.ഐ സി.വി.ലൈജുമോൻ, എ.എസ്.ഐ ഹരിപ്രസാദ്, എസ്.സി.പി.ഒ സലീം, സി.പി.ഒ ജീമോൻ എന്നിവർ ചേർന്നാണ് പ്രതിയെ പിടികൂടിയത്. കോടതിയിൽ ഹാജരാക്കി റിമാൻഡ് ചെയ്തു.