സി.എം.ആർ.എൽ ഇൽമനൈറ്റ്​ ഇറക്കുമതി ചെയ്​തു

കടുങ്ങല്ലൂർ: എടയാറിലെ കൊച്ചിൻ മിനറൽസ് ആൻഡ് റൂൈട്ടൽസ്‌ (സി.എം.ആർ.എൽ) കമ്പനി വീണ്ടും ഇൽമനൈറ്റ് ഇറക്കുമതി തുടങ്ങി. അസംസ്കൃതവസ്തുവായ ഇൽമനൈത്തി​െൻറ ദൗർലഭ്യം മൂലമുണ്ടായ പ്രതിസന്ധി നേരിടാനാണ് പുറമെനിന്ന് വീണ്ടും ഇറക്കുമതി ചെയ്തത്. കേന്ദ്ര പൊതുമേഖല സ്ഥാപനമായ ഐ.ആർ.ഇ ആണ് നിലവിൽ ഇൽമനൈറ്റ്‌ നൽകിവന്നിരുന്നത്. എന്നാൽ, ആവശ്യമുള്ളതി​െൻറ നാലിലൊന്നിൽ താഴെ മാത്രമേ നൽകാൻ കഴിയുന്നുള്ളൂ. അതിനാലാണ് ഇപ്പോൾ മൊസാംബീക്കിൽനിന്ന് ഇൽമനൈറ്റ് ഇറക്കുമതി ചെയ്തത്. 12,500 ടൺ ഇൽമനൈറ്റ് കഴിഞ്ഞദിവസം കൊച്ചി തുറമുഖത്തെത്തിയിട്ടുണ്ട്.